Талдау нәтижелері Сапар барысында делегация орталықтың қызметімен және оның 15 жылдық тарихымен танысты. Сондай-ақ чех мамандарымен, атап айтқанда, Қазақстанда жүрек трансплантациясын дамытудың негізін қалағандардың бірі Ян Пирк пен оның командасымен ұзақ жылдар бойғы ынтымақтастық ерекше атап өтілді.
Сонымен қатар, халықаралық деңгейдегі UMC симуляциялық орталығына ерекше назар аударылды. Мұнда медициналық мамандарды оқыту мен клиникалық дағдыларды жетілдірудің заманауи тәсілдері қолданылады. Қонақтарға оқу инфрақұрылымының мүмкіндіктері мен заманауи медицинаның негізгі бағыттары бойынша дайындықты қамтамасыз ететін кешенді жабдықталуы таныстырылды. Одан бөлек, сапар аясында ALEM инновациялық құрылғысы ұсынылып, ол алдағы ынтымақтастық тұрғысынан ерекше қызығушылық тудырды.
Орталықтың халықаралық деңгейдегі мамандарды даярлау және озық медициналық тәжірибелерді енгізу алаңы ретіндегі рөлі де ерекше атап өтілді. UMC Жүрек орталығы білім беру бағдарламаларын белсенді дамытып, шетелдік серіктестермен ынтымақтастық орнатуда, бұл медициналық көмектің сапасын арттыруға ықпал етеді.
Сапар қорытындысында тараптар кардиохирургия және медициналық білім беру салаларында халықаралық ынтымақтастықты дамыту, тәжірибе алмасу және кәсіби байланыстарды нығайтудың маңыздылығын атап өтті.
